बिटको महाविद्यालयात २० जानेवारीपासून चार दिवसीय वार्षिक स्नेहसंमेलन..

नाशिकरोड : गोखले एज्युकेशन सोसायटीच्या नाशिकरोड येथील बिटको महाविद्यालयात सोमवार दि.२० जानेवारी ते २३ जानेवारी २०२५ या कालावधीत ' सीबीसी नाशिकरोड फेस्ट ' या वार्षिक स्नेहसंमेलनाचे आयोजन करण्यात आले आहे. या स्नेहसंमेलनात विविध स्पर्धा व डेज संपन्न होणार आहेत -दि. २० रोजी मेहंदी,रांगोळी व काव्यवाचन स्पर्धा तर सारी डे, टाय डे व रोझ डे, दि.२१ रोजी वक्तृत्व, एकपात्री अभिनय, एक मिनिट शो तर मिस मॅच डे, दि.२२ रोजी टाकाऊतून टिकाऊ निर्मिती, निबंध व पथनाट्य स्पर्धा तर बॉलीवूड डे, चॉकोलेट डे तसेच दि.२३ फेब्रुवारी रोजी गीत गायन व नृत्य स्पर्धा तर आदी स्पर्धा आदि संपन्न होणार आहेत. विद्यार्थ्यांच्या सुप्त कलागुणांना वाव देण्यासाठी व व्यक्तिमत्व विकास होण्यासाठी स्पर्धा व डेज चे आयोजन होत असल्याची माहिती प्राचार्या डॉ.मंजुषा कुलकर्णी, विद्यार्थी सभा कार्याध्यक्ष डॉ. लक्ष्मण शेंडगे, प्रा.सुहास माळवे यांनी दिली आहे.